Məhəmmədin reinkarnasiya vədləri

Quran yazılanda bir çox dinlərdən əsas da İbrahimin digər iki dinindən bolluca istifadə olunmuşdur. Ancaq Quran plagiarizmi bu iki dinlə bitməyib və orada Buddizmin də izləri az deyil. Məsələn aşağıdakı ayələrdə reinkarnasiyanı, yəni ölümdən sonrakı hıyatın olmasını aydınca görmək olar. Bu sual şəkilli dəfələrlə təkrar olunan ayələrdə  insanlar öldükdən sonra allah onların sümüklərini bir yerə yığıb yenidən adam ediləcəyi qətiyyətlə bildirilir!

17: (49) Onlar: “Biz sür-sümük, çürüyüb ovxalanmış torpaq olduğumuz halda, dirildilib yeni məxluqmu olacağıq?” – deyirlər.
17: (98) Bu, ayələrimizi inkar etdiklərinə və: “Sür-sümük, çürüyüb ovxalanmış torpaq olduğumuz halda, biz dirildilib yeni bir məxluqmu olacağıq?” – dediklərinə görə onların cəzasıdır
23: (35) O sizə ölüb torpaq və sür-sümük olduqdan sonra (qəbirlərinizdən dirildilib) çıxarılacağınızımı və’d edir?
24: (82) (Keçmiş ümmətlər) belə demişdilər: “Məgər biz ölüb torpaq və sür-sümük olduqdan sonra bir də dirildiləcəyik?”
36: (78) Öz yaradılışını unudub: “Çürümüş sümükləri kim dirildə bilər?!” – deyə, hələ Bizə bir məsəl də çəkdi.
37: (16) Məgər biz öldükdən, torpaq və sürsümük olduqdan sonra dirildiləcəyikmi?!
37: (53) Biz öldükdən, torpaq və sür-sümük olduqdan sonra (dirildilib) sorğu-sual olunacağıq (və əməllərimizə görə cəzalandırılacağıq)?”
50: (41) (Ya Peyğəmbər!) Carçının yaxın bir yerdən car çəkəcəyi gün (deyilən sözü, surun səsini) dinlə! (O gün İsrafil uca səslə: “Ey köhnəlmiş sümüklər, ey bir-birindən ayrılmış oynaqlar, ey əprimiş ətlər, ey dağılmış saçlar! Allah sizə haqq-hesab gününə gəlmək üçün yenidən birləşməyi buyurur!” – deyəcək və suru ikinci dəfə üfürəcəkdir).
56: ) Və belə deyirdilər: “Əcaba, biz öldükdən, toz-torpaq və sür-sümük olduqdan sonra, həqiqətən, yenidən dirildiləcəyikmi?!
75: (3) Məgər insan elə güman edir ki, (qiyamət günü) onun sümüklərini bir yerə yığa bilməyəcəyik?!

Əslində mənim Quranda reinkarnasiya haqda bu qədər vədlərin olmasına qarşı heç bir etirazım yoxdur. Bir dində ki insanlar cənnət deyilən yerə göndəriləcək, orada reinkarnasiyanın vacibliyi danılmazdır. Amma gəlin bir qədər düşünək, əgər allah həqiqətən də insanları dirildib sümüklərini torpaqdan çıxarıb üzərini “ətlə” örtüb yenidən adam edirsə, qəbiristanlıqlarda niyə hələ də sümük tapırıq? Niyə yüz min il bundan əvvəl yaşamış insanların sümükləri hələ də tapılır? Belə nəticəyə gəlmək olar ki, ya allah insanları dirildib sual cavab edə bilmir, ya da o heç yoxdur. Sizcə dediyini edə bilməyən bacarıqsız allaha inanıb özünü aldatmaq yaxşıdı ya ümumiyyətlə allahı bir kənara qoyub açıq fikirlə dünyaya baxmaq?

Qurandan Möcüzəli Ayələr silsiləsindən olan bu on ayəni paylaşmaqla Quranı təbliğ etmiş olarsınız və insanlıq yolunda “savab” qazanmış olarsınız.

~Kefli İskender
Azərbaycan Ateistlər Assosiasiyası