Dinlər və elm düşmənçiliyi

Qalileo Qaliley
(1564 - 1642)

Bəzi fanatik dinçilər elmlə dini əlaqələndirməyə çalışırlar. Bu yolla öz aləmlərində köhnəlmiş dinlərini insanların suallarına daha dolğun cavab verən elmin hesabına yeni nəslin beyninə yeridirlər. Xristian dini tarix boyu elm qarşısında duran ən böyük maneələrdən biri olmuşdur. Belə ki xristian keşişləri özəlliklə də katoliklər İncil ayələrinə zidd olan bütün elmi kəşfləri və ixtiraları rədd etmiş və həmin alimləri xristian məhkəmələrində günahkar çıxarıb ifşa etmişdilər.


Elm düşmənçiliyinin qurbanlarından biri də İtalian alimi, riyaziyyatçı, astronom, və fizik Qalileo Qaliley olmuşdu. 1633-cü ildə, ömrünün 69-cu ilində ictimai yerlərdə Yer planetinin Günəş ətrafında fırlanmasını dediyi üçün katolik kilsəsi tərəfindən evdə cəzaçəkməyə məhkum edilmişdi. Beləliklə alim ömrünün son səkkiz ilini öz evində həbsdə qalmışdır.


Xristianlar bundan utanmayaraq alimin günahını, ölməsinə baxmayaraq hələ də qüvvədə saxlamışdılar. Nəhayət, 13 il davam edən müraciətlərdən sonra Roma Papası II John Paul Yepiskop Elmlər Akademiyası ilə şəxsən əlaqə saxladıqdan sonra Qalileo Qalileyi günahsız elan etmişdilər. Bu hadisə alimin məhkum olunmasından 359 il sonra 1992-ci il 31 oktyabr tarixində baş vermişdi. Həmin gündən sonra Roma Katolik Kilsəsi rəsmi olaraq Yerin müstəvi yox kürə olmasını və Günəş ətrafında fırlanmasını qəbul etmişdi.


Bunu oxuyaraq bəziləriniz düşünə bilərsiniz ki qərəzli yazıram və dinlər elmin əleyhinə deyil. Bunu İncil və Qurandan ayələrlə göstərə bilərəm ki hər iki din birbaşa və bilavasitə elmə ziddirlər, heç biri həqiqətə yaxın deyil və nəticə etibarilə ilahi qüvvə tərəfindən gəlməmişdir.


İncil Zəbur surəsi 96:10 ”O yeri möhkəm və tərpənməz etdi...”
Əslində bu fikir bir neçə dəfə təkrar olunur və mən tərcümədə təhrifə yol verməmək üçün qalanlarını tərcüməsiz ingilis dilindən köçürürəm.


1 Chronicles 16:30: “He has fixed the earth firm, immovable.”
Psalm 93:1: “Thou hast fixed the earth immovable and firm ...”
Psalm 96:10: “He has fixed the earth firm, immovable ...”
Psalm 104:5: “Thou didst fix the earth on its foundation so that it never can be shaken.”
Isaiah 45:18: “...who made the earth and fashioned it, and himself fixed it fast...”


Quranda isə İncilin də allah tərəfindən verilməsi deyilir.
2 Bəqərə: (146) Kitab (Tövrat və İncil) verdiyimiz şəxslər onu (Muhəmmədi) öz oğullarını tanıdıqları kimi tanıyırlar.


Beləliklə də nə Quranın nə də İncilin astronomik həqiqətlərlə əlaqəsizliyini açıq aşkar görmək olar. Əgər kainatın vahid yaradıcısı bu kitabları insanlara versəydi onda şübhəsiz ki belə səhvlərə yol verilməzdi. Bununla da əminliklə nə İncilin nə də Quranın ilahi bir varlıq (kainatın yaradıcısı) tərəfindən verilmədiyini demək olar.

Kefli İskender
Azərbaycan Ateistlər Assosiasiyası