Yeni din yaranır - Mirzə Sakit

Əssəlamun-və Əleykə, ey ərəb düymələri
Yeni bir din yaradıb söyləyəcəm gör nələri

Dün qüsl çəkdim əcəb, pak salavatlıq edərək,
Tanrını dəfn elədim, torpağa məsum gömərək
Biz ki, Allahsızıq əlbət, bizə Allah nə gərək
Bağlayın din kitabın, xətm eləyin surələri
Yeni bir din yaradıb söyləyəcəm gör nələri

Səcdə qıl sən mənə dostum, de mubarək qədəmin
Dinləsən ey bəni-insan, olacaqdır nə qəmin
Oxuduqcan pozulursan, o yüz on dörd rəqəmin,
İçdə tonqal qalayıb yandırınız köhnələri
Yeni bir din yaradıb söyləyəcəm gör nələri

Xoş xəyallar ta ki, inşallaha qalmış yenə də
Asılıb paslı kilid on beş əsrlik çənədə
Siğə qılmış o Rəsul, körpəni doqquz sənədə
Yahu, qəltanlıq edib bakireyi-körpələri
Yeni bir din yaradıb söyləyəcəm gör nələri

İmamın qətlinə şadlıqla yedik ehsan aşı,
Hacının beynini uslufca pozub Məkkə daşı
Yoxdur insanlığa meyl, ortada var din savaşı,
Yazılıb müştehidin sərgidə kor müjdələri
Yeni bir din yaradıb söyləyəcəm gör nələri

Qoy o Allah elə Allah kimi yatsın yuxusun,
Bircə yol biz alaq insan kimi Allah qoxusun
Əməlül-Salehi-Vacibdəsə rəhmət oxusun,
Aparıb beynimizi rövzəxanın nöhələri
Yeni bir din yaradıb söyləyəcəm gör nələri

Şeyximiz mərsiyəxanlıqla qızıb tez coşaraq,
Qulplaşıb kafirə dost, üzdə müsəlmanlaşaraq
Geyib əmmaməsini zalıma məhd söz qoşaraq,
Ayətullah oxuyur hücrədə boş xütbələri
Yeni bir din yaradıb söyləyəcəm gör nələri

Allah Allahlıq edə- Yol sevinər, çıxsa yola
Min il Allahlıq edən şarlatanın rəngi sola
Mirzə Sakit iki gün Allaha peyğəmbər ola,
Sağalar bəlkə o gün qorxulu din xəstələri
Yeni bir din yaradıb söyləyəcəm gör nələri

Mirzə Sakit